نئی دہلی : عام طور پر گوالے سائیکل پر دودھ بیچتے ہیں ،اب موٹر سائیکل آنے سے گوالوں کی مشقت کم ہوگئی ہے لیکن سوشل میڈیا پر انڈیا سے ایک ایسی ویڈیو سامنے آئی ہے جس میں ایک گوالا دودھ بیچنے کے کام کو “نیکسٹ لیول” پر لے گیا ہے۔ یہ شخص مہنگی ترین بائیک ہارلے ڈیوڈسن پر دودھ بیچتا ہوا نظر آرہا ہے۔ ایک انسٹاگرام صارف امیت بھڈانا نے یہ ویڈیو پوسٹ کی ہے جس میں ایک شخص ہارلے ڈیوڈسن پر سوار اپنے گھر سے نکلتے ہوئے نظر آ رہا ہے جس میں دودھ کے دو بڑے کنٹینرز اس کی مہنگی ہارلے ڈیوڈسن موٹر سائیکل کے دونوں طرف لٹک رہے ہیں۔ اس شخص نے اپنے موٹر سائیکل کی نمبر پلیٹ پر بھی “گجر” لکھوا رکھا ہے۔
