ماں بننے کا احساس خواتین کی زندگی کی سب سے بڑی خوشی ہے جن کو یہ خوشی ملتی ہے وہی سمجھ سکتی ہیں کہ یہ 9 ماہ کے لمحات کتنے حسین ہوتے ہیں۔ پریگنینسی کے دوران اکثر خواتین کو یہ کہا جاتا ہے کہ بہت پیاری لگ رہی ہو، خوبصورت ہو گئی ہو، چہرہ روشن ہو رہا ہے، وغیرہ وغیرہ ۔۔ مگر ایسا کیوں کہا جاتا ہے؟ کیا یہ صرف باتیں ہیں؟ یا اس کی کوئی سائنسی وجہ بھی ہے؟ آج ہماری ویب کے وومن کارنر ہیلتھ سیکشن میں ہم آپ کو بے بی سینٹر امریکہ کی ایک تحقیق کا خلاصہ بتا رہے ہیں۔ڈاکٹر کیلیاری بتاتی ہیں کہ: خواتین حمل کے 9 ماہ کے عرصے میں عام دنوں سے زیادہ خوبصورت لگنے لگتی ہیں جس کی وجہ یہ ہے کہ ان کے جسم میں وٹامنز اور کیلشیئم کی مقدار ضرورت سے زیادہ پیدا ہونے لگتی ہے اور ساتھ ہی پیٹ بھر کر کھانا، بار بار کھانا، دودھ پینا، سپلیمنٹس کا استعمال کرنا جسم کو خوبصورت بنانے میں مدد دیتا ہے۔ ”٭ خون کی زیادہ مقدار کا جسم میں بننا بھی جلد کی تازگی اور نرم و ملائم ہونے کی ایک بڑی وجہ ہے۔ اور ساتھ ہی معدہ اپنی روزمرہ کی طاقت سے زیادہ کام کرنے لگتا ہے، بدہضمی اور قے کی وجہ سے بھی جسم سے بھاری فائسلز خارج ہو جاتے ہیں اور نتیجے کے طور پر حاملہ خواتین حسین نظر آنے لگتی ہیں۔حمل کے دوران خواتین کے ناخنوں اور بالوں کی نشوونما تیزی سے گھٹتی اور بڑھتی ہے جس سے جسم میں کئی پیچیدگیاں بھی ہوتی ہیں اور کچھ جگہوں پر اس کا بہت فائدہ بھی ہوتا ہے۔ اس فائدے کی وجہ سے ہی خواتین حسین دکھنے لگتی ہیں۔